პოლიტიკის მეცნიერებათა დოქტორი, პროფესორი, პოლიტიკური ექსპერტი ვაჟა შუბითიძე სოციალურ ქსელში მსოფლიოში მიმდინარე მოვლენებს ეხმაურება:
"ბაიდენმა მიაღწია იმას, რომ აგვისტოდან საუდის არაბეთი ნავთობის მოპოვება-მიწოდებას გაზრდის სერიოზულად და ამით მსოფლიო ბაზარზე ნავთობის ფასი საკმაოდ დაიკლებს, რაც პირდაპირ დაარტყამს რუსეთის ინტერესებს.
რუსებს ახლა კი შესდით ფული გაზიდან და ნავთობიდან, მაგრამ ვერაფერს სერიოზულს, განსაკუთრებით სამხედრო საჭიროებისათვის, ვერ ყიდულობენ სანქციების გამო.
ამასობაში ცნობილი გახდა, რომ მომავალ წელს აშშ სამხედრო ბიუჯეტი სერიოზულად იზრდება და 840 მილიარდი იქნება(წლევანდელი 760 მილიარდის ნაცვლად). რუსეთის სამხედრო ბიუჯეტი წელს 65 მილიარდ დოლარამდე იყო, მომავალ წელს ალბათ 50 მილიარდიც არ იქნება ეკონომიკური კოლაფსის და ინფლაციის, უმუშევრობის ზრდის გამო. ამ ბიუჯეტის პატრონები ეჭიდავებიან ამერიკას ეს ქინძები და მათი გულშემატკივრები საქართველოში. ომს იგებს შეიარაღება და ფინანსები და არა ბრძანებების გაცემა ბუნკერიდან,"- წერს ვაჟა შუბითიძე.
მსგავსი სიახლეები