რუსეთთან მოლაპარაკება და კომუნიკაცია თანამედროვე სამყაროში არ ღირს. ქვეყანამ უნდა შეწყვიტოს არსებობა დღევანდელ საზღვრებში და გაათავისუფლოს თავისი კოლონიები, - ამის შესახებ კიევის უსაფრთხოების ფორუმზე (KBF) ეროვნული უშიშროების საბჭოს მდივანმა ოლექსი დანილოვმა განაცხადა. 

„ისინი უბრალოდ უნდა განადგურდნენ, რათა შეწყვიტონ არსებობა იმ საზღვრებში, სადაც ისინი არსებობენ. დღეს რუსეთი არის ერთ-ერთი იმ მცირერიცხოვან ქვეყნებს შორის, რომლებსაც აქვთ კოლონიები მის ტერიტორიაზე, რომლებმაც გაანადგურეს უამრავი ხალხი, მათი ენა, კულტურა, ტრადიციები. ისინი უბრალოდ ბარბაროსები არიან. და როცა ამბობენ, რომ ამ ბარბაროსებთან ერთ მაგიდასთან უნდა დავსხდეთ და რაღაცაზე ვილაპარაკოთ, ეს  უღირსად მიმაჩნია“, - აღნიშნა დანილოვმა.

მან, ასევე, აღნიშნა, რომ უკრაინას არაფერი აქვს საერთო რუსეთთან.

„თქვენ ხართ ქურდები, რომლებიც მუდმივად იპარავთ ვიღაცის ისტორიას, მუდმივად ითხოვთ რაღაცას,  თქვენ უღირსი ხართ“, - დასძინა დანილოვმა. 

დანილოვის თქმით, რუსეთის პრეზიდენტ ვლადიმერ პუტინსა და ნაცისტური გერმანიის დიქტატორს ადოლფ ჰიტლერს შორის  მსგავსებაა. 

„მე ზოგადად მჯერა, რომ პუტინი და ჰიტლერი სიამის ტყუპები არიან, უბრალოდ ერთი დაიბადა ცოტა მოგვიანებით“, - აცხადებს ეროვნული უშიშროების საბჭოს მდივანი.