ცეცხლთან თამაში არ შეიძლება, მოსახლეობამ უნდა გააკეთოს სწორი არჩევანი - თენგიზ ცერცვაძე

საქართველო გზაგასაყარზე, – პოსტს ამ სათაურით სოციალურ ქსელში თბილისის ინფექციური საავადმყოფოს დირექტორი თენგიზ ცერცვაძე ავრცელებს.

 

ცერცვაძის თქმით, საქართველო პანდემიასთან მიმართებაში დგას გზაგასაყარზე და უახლოეს დღეებში უნდა გადაწყდეს, თუ რომელი გზით წავალთ.

 

„სადღეისოდ მთელს მსოფლიოში, პირველ რიგში ევროპის და ამერიკის ქვეყნების დიდ უმრავლესობაში აღინიშნება COVID-19-ის ახალი შემთხვევების და გარდაცვალების მატება. ევროპის ზოგიერთ ქვეყანაში უკვე საუბრობენ ე.წ. მესამე ტალღის დაწყებაზე, ან მის მოახლოებაზე. შესაბამისად, ევროპის ქვეყნების უმრავლესობა ამკაცრებს შეზღუდვებს, ხოლო ზოგიერთმა მათგანმა უკვე გამოაცხადა ე.წ. მესამე lockdown. მდგომარეობას ართულებს SARS-CoV-2-ის ახალი შტამებით (ე.წ. ბრიტანული, სამხრეთ აფრიკული და სხვ., რომლებიც მეტი გადამდებლობით ხასიათდებიან) გამოწვეული შემთხვევების ზრდა.

 

საქართველომ ა.წ. 15 მარტამდე ვაქცინის არქონის და ევროპის ქვეყნებთან შედარებით ნაკლები შეზღუდვების მიუხედავად, COVID პანდემიის სწორი მენეჯმენტით მიაღწია იმას, რომ COVID ახალი შემთხვევების და გარდაცვალების რიცხვი ევროპის და ამერიკის ქვეყნების უმეტესობასთან შედარებით დაბალია, რამაც საშუალება მოგვცა მინიმუმამდე დაგვეყვანა შეზღუდვების რაოდენობა.

 

სამწუხაროდ, ეპიდსიტუაციის სტაბილიზაციამ მოსახლეობის თვითდამშვიდებას შეუწყო ხელი, რაც იმაში გამოიხატა, რომ მოსახლეობის დიდი ნაწილი არ ჩქარობს ვაქცინაციას (განსაკუთრებით რეგიონებში), უარს ამბობს პირბადეების ტარებაზე, სოციალურ დისტანცირებაზე და პირიქით – არ ამბობს უარს ხალხმრავალ შეკრებებზე. ასეთი დამოკიდებულება შეიცავს COVID შემთხვევების და მით გამოწვეული გარდაცვალების შემთხვევების მატების სერიოზულ საფრთხეს. მითუმეტეს, რომ ბოლო დღეებში ჩვენთანაც შეიმჩნევა ახალი შემთხვევების და ე.წ. დადებითობის პროცენტის მატების ტენდენცია.

 

დღეს საქართველო COVID პანდემიასთან მიმართებაში დგას გზაგასაყარზე და უახლოეს დღეებში უნდა გადაწყდეს, თუ რომელი გზით წავალთ. ცეცხლთან თამაში არ შეიძლება და უახლოეს დღეებში მოსახლეობამ უნდა გააკეთოს სწორი არჩევანი. თუ გვინდა არ გვქონდეს შეზღუდვები და მალე დავუბრუნდეთ ნორმალურ ცხოვრებას – უნდა ჩავერთოთ ვაქცინაციის მასშტაბურ კამპანიაში, აუცილებლად ვიხმაროთ პირბადე როგორც დახურულ, ისე ღია სივრცეში, დავიცვათ სოციალური დისტანცირება და თავი ავარიდოთ ხალხმრავალ შეკრებებს. ვიმეორებ, ეს უნდა გაკეთდეს უახლოეს დღეებშივე, თორემ შემდეგ შეიძლება გვიან იყოს.

 

ძალიან მნიშვნელოვანია, რომ დღეს ქვეყანას აქვს მსოფლიოში საუკეთესო ვაქცინების არჩევანის საშუალება და ძალიან კარგად გამართული ვაქცინაციის ქსელი მთელს ქვეყანაში, რაც უზრუნველყოფს ვაქცინაციის მსურველთა ნაკადების ოპტიმალურ მართვას. სხვა ქვეყნებისაგან განსხვავებით საქართველოში ვაქცინაცია ხორციელდება მხოლოდ სათანადოდ აღჭურვილ და მაღალკვალიფიციური მედპერსონალით დაკომპლექტებულ სამედიცინო დაწესებულებებში, რაც უზრუნველყოფს ვაქცინაციის პროცესის მაქსიმალურ უსაფრთხოებას“, – წერს თენგიზ ცერცვაძე.





მსგავსი სიახლეები
სიბნელეა, როცა 21-ე საუკუნეში აცრის მნიშვნელობაზე უნდა ელაპარაკო ხალხს - ამირან სალუქვაძე
ცოტა ხანში პარლამენტის ნაცვლად 4 პარტიიანი "დუმა" გვექნება - გია ხუხაშვილი
უკრაინის მწუხარებას, რომ მათ სააკაშვილი ჰყავთ ნამდვილად ვერ გავიზიარებ - ლევან ნიკოლეიშვილი
ნიკა მელია - "მომდევნო მოლაპარაკების რაუნდებისთვის სავაჭროდ შემომინახეს"
ეს გადაწყვეტილება, ერდოღანის ბოლო განცხადებას უკავშირდება - ამირან სალუქვაძე
"გირჩს" შესვლა თუ არ უნდა, თქვას - ამირან სალუქვაძე
ამ პასუხს ზელენსკისა და სააკაშვილს შორის მიმდინარე ღია ომის შეფასება მისცეს - დავით ქართველიშვილი
შედეგი სხვა არაფერი იქნება, თუ არა ქვეყნის საბოლოოდ დაქცევა - დავით ზარდიაშვილი
თუ დადგინდა, რომ გარიგება კორუფციულია, კონტრაქტი შეიძლება უბრალოდ გაუქმდეს - გია ხუხაშვილი
ხელისუფლებას კოვიდ-19 კვლავ მის საუკეთესო მოკავშირედ მიაჩნია - სერგო ჩიხლაძე
პატარა ქალაქი, მხოლოდ სისხლით სუნთქავდა- გიორგი კეკელიძე
"ვფიქრობ, ჩვენს სოლიდარობას უკრაინის დღევანდელი ხელისუფლება ყურადღებას მაინცდამაინც არ აქცევს"
არ ვიქნები ევროპული საქართველოს ყრილობაზე, პარტია დავტოვე - გიგი უგულავა
რა არის ეს, თუ არა ნაცური მავნე პოლიტიკის გაგრძელება?! - დავით ზარდიაშვილი
"სამარცხვინოა ნაცნობი უცნობის განცხადება, რომ 9 აპრილს აფუძნებს მარადისობის დღეს"
ხალხს მობეზრდა მიტინგებზე სიარული და რეალური პრობლემების გადაწყვეტას ელის - ნიკოლოზ მჭედლიშვილი
ვინ ხარ, რომ უამრავ ადამიანს შეურაცხყოფას აყენებ? - დავით ხვადაგიანი გია გაჩეჩილაძეს
მოგმართავთ სამედიცინო დაწესებულებებს, ნუ გეშინიათ, მაქსიმალურად დაგეხმარებით - გიორგი ფხაკაძე
გრეჩიხებს ფული და ჭინჭები შემოაკლდათ - სერგო ჩიხლაძე
32 წლის წინ, დიდმა ტრაგედიამ გააერთიანა ქართველი ხალხი - გია ხუხაშვილი