8 ფაქტი ყავის შესახებ - ყავა თხის მწყემსმა აღმოაჩინა

უკვე ხუთი საუკუნეა, რაც დილას გამოფხიზლება ისეთი რთული აღარ არის, ეს ყავის დამსახურებაა. მსოფლიოში ყველაზე პოპულარული სასმელი თანაბრად უყვართ მსოფლიოს ნებისმიერ წერტილში და ყავაზე შეყვარებული ადამიანები მუდმივად ახალ-ახალ რეცეპტებსაც კი იგონებენ.

თუ თქვენც ისევე გიყვართ ყავა როგორც ჩვენ, მის შესახებ კარგად ნაცნობი ფაქტები გეცოდინებათ, თუმცა ამ სტატიაში ბევრად მეტ საინტერესო დეტალს გაიგებთ. მაშ ასე, წაიკითხეთ 8 ფაქტი ყავის შესახებ, რომელიც ყველა ყავის მოყვარულმა უნდა იცოდეს.

1. მსოფლიოს ყავის სიყვარული აერთიანებს

ყავა, წყლის შემდეგ ყველაზე უხვად მოხმარებადი სასმელია. ამ ინდუსტრიის წლიური ბრუნვა კი $100 მილიარდს აჭარბებს. მსოფლიო ყავის ასოციაციის თანახმად, ევროპა ყველაზე მაღალი იმპორტით იწონებს თავს. ფინელებს კი ყველა სხვა ერზე მეტად უყვართ ყავა, ამ ქვყანაში საშუალო სტატისტიკური მოქალაქე წლიურად 12.2 კილოგრამ ყავას მოიხმარს.

2. ყავა თხის მწყემსმა აღმოაჩინა

ლეგენდის თანახმად, ჯერ კიდევ მე-15 საუკუნეში, თხებმა ყავით იბალახეს. მწყემსმა შენიშნა, რომ ცხოველები მთელი ღამე ენერგიამ არ მოასვენა. შემდეგში ბერებმა მარცვლებისგან ნახარშის მომზადება დაიწყეს, რაც მთელი ღამის ფხიზლად გატარებაში ეხმარებოდათ. ასე რომ, ამ ჯადოსნური სითხის მოპოვებისთვის თხებს სათანადო მადლობას ვერასდროს გადავუხდით.

3. ყავა სატანურ სითხედ ითვლებოდა

მე-16 საუკუნეში, მექაში სჯეროდათ, რომ ყავა მაცდუნებელ ფიქრებს იწვევდა, ამიტომ მისი მოხმარება აკრძალეს. იმავე საუკუნის იტალიაში კი სატანურ სითხედ ჩათვალეს და დაგმეს, თუმცა ამან ყავის საყოველთაოდ გავრცელებას ხელი ვერ შეუშალა.

4. ერთი ე(ქ)სპრესო, თუ შეიძლება!

სიტყვა ესპრესო იტალიურიდან მოდის და გამოდევნას / გამოთავისუფლებას ნიშნავს, რაც ყავის ამ ნაირსახეობის მომზადების წესს უკავშირდება. ამიტომ, თუ ვინმე სიტყვა ექსპრესოს გამოიყენებს, ხელაღებით ნუ ეტყვით რომ ცდება.

5. ყავა ხილია

ყავა ბუჩქებად იზრდება და ნაყოფი აქვს, ყავის მარცვლები კი რეალურად თესლებია. ყავის "მარცვლების" გამოყენება დაახლოებით იგივეა, რაც გარგრის გულების ჭამა. ყავის წარმოებამდე ბევრად ადრე მისი ნაყოფით ერთგვარ წასახემსებელს აკეთებდნენ, რომელიც ადამიანებს ენერგიით ამარაგებდა. რბილობს კი წურავდნენ და ღვინის მსგავს სასმელს აკეთებდნენ. შეგიძლიათ დღეიდან თამამად თქვათ, რომ თქვენი საყვარელი ხილი ყავაა.

6. ყავის ორი ძირითადი სახეობა არსებობს

ყავის ორი მთავარი სახეობა არსებობს: არაბიკა და რობუსტა. არაბიკა საყოველთაოდ ცნობილი ყავაა, რომელიც უფრო აქტიურად გამოიყენება, თუმცა რობუსტას ორჯერ მეტი კოფეინის შემცველობა აქვს.

7. რა არის ყავის ლეტალური დოზა?

ყავით ზედოზირება შესაძლებელია, თუმცა ყავის ყველაზე დიდი მოყვარულიც კი ვერ შეძლებს იმ ოდენობის მიღებას, რაც ლეტალურ მდგომარეობას იწვევს. მცირე დროის ინტერვალებით 30-მდე ფინჯანის მიღება ყავის სასიკვდილო ოდენობად ითვლება.

8. ყავის ნარჩენიც სასარგებლოა

ყავის ნარჩენების სკრაბის სახით გამოყენება სასარგებლოა, რადგან ის კანს მკვდარი უჯრედებისგან ასუფთავებს. ამასთან, კოფეინი სისხლის ცირკულაციას უწყობს ხელს. დროა, მხოლოდ ყავის მიღება კი არა, მისი ნარჩენების კანის მოვლის რუტინაში ჩართვაც დაიწყოთ.





მსგავსი სიახლეები
ორასი ათასი ოქროს დინარი - ქრისტეს დატყვევებული ჯვრის სანაცვლოდ და სალადინის პასუხი
ფრანგი ისტორიკოსი ქართველთა შესახებ
„დედამიწა იმაზე ბევრად ადრე გაჩნდა, ვიდრე აქამდე გვეგონა“ - Forbes
რამდენიმე საინტერესო ფაქტი ალფრედ ნობელის შესახებ
ამერიკელი 13 მილიარდერი, რომლებსაც უმაღლესი განათლება არ მიუღიათ
ქალაქი, სადაც მზე არ ამოდის
ილია ჭავჭავაძისა და ნიკო ნიკოლაძის დუელი
საინტერესო ფაქტები, რომელთაც ისტორიის წიგნებში ვერ შეხვდებით
როგორ დავფაროთ ზედმეტი კილოგრამები სწორად! 8 რჩევა ჯორჯო არმანისგან
საინტერესო ფაქტები, რომლებიც აქამდე არ იცოდით
8 ფაქტი ყავის შესახებ - ყავა თხის მწყემსმა აღმოაჩინა
ფულის ხის სარგებელი და ზიანი: რატომ არ უნდა გქონდეთ ის სახლში
საცხოვრებელი ადგილი: შავი ზღვის ფსკერი - სახლები შავ ზღვაში, რომლებიც საბჭოთა კავშირის დროს ააშენეს
ღარიბი ბიჭის ისტორია, რომელიც ფეხსაცმელზე ოცნებობდა - როგორ გახდა Salvatore Ferragamo მსოფლიო ბრენდი
ფაქტები და მითები ფრენის შესახებ
ავსტრიაში დღემდე მოქმედებს ევროკავშირის წევრ ქვეყნებს შორის ერთ-ერთი ყველაზე დისკრიმინაციული კანონი
3 სასარგებლო სასუქი ქოთნის მცენარეებისთვის
129 წლის წინ ,,ტფილისში'' სატელეფონო ქსელი ამუშავდა
შეიქმნა ალგორითმი, რომელიც დანაშაულს ერთი კვირით ადრე პროგნოზირებს
აქვს თუ არა ცხოველს ალერგია ადამიანზე?